හිමාලි සයුරංගිට සුබ මංගලම්

හිමාලි සයුරංගි අපිට සිටින නව පරපුරේ ප්‍රතිභාසම්පන්න කලාකාරියක් කිව්වොත් නිවැරැදියි. ඇයගේ දක්ෂතා නිවේදකාවක රංගන ශිල්පිනියක, ගායිකාවක එමතු නොව හඬ කැවීම් ශිල්පිනියක ලෙස ඉහළ තලයක තිබෙනවා. තිරගතවන ‘කුසපබා’ සිනමාපටයේ දී ‘පබා’ ගේ චරිතයට තම හඬ මුසු කරමින් ඇය සිය දක්ෂතා මනාව පෙන්වනවා.
ඇත්තටම මේ දක්ෂ යොවුන් තාරකාවගේ ජීවිතයේ සුවිශේෂී සිදුවීමක් පසුගිය දා සිදුවුණා. ඒ ඇය පතිකුලයට පිවිසීමෙන්. හිමාලි අතගත් මනාලයා වුණේ අසංගයි.
අසංග සමඟ ඇය අතිනත ගත්තේ ආදර සම්බන්ධයක සොඳුරු ප්‍රතිඵලයක් ලෙසටයි. අසංග වෘත්තියෙන් වෙළෙඳ ප්‍රචාරණ ආයතනයක හිමිකරුවෙක් වගේම තවත් ව්‍යාපාර ගණනාවකම හිමිකරුවෙක්. හිමාලි අසංග ඔබ දෙපළට අපෙනුත් සුබ පැතුම්.