සංගීත සාජ්ජය නිමවී එද්දී මාරක රිය අනතුරක්-තිදෙනකු මරුට

හලාවත-පුත්තලම මාර්ගයේ ආරච්චිකට්ටුව ප්‍රදේශයේ අද අලුයම සිදුවූ රිය අනතුරකින් තිදෙනකු ජීවිතක්ෂයට පත්වී තවත් හත් දෙනකු තුවාල ලබා තිබේ. වෑන් රථයක් හා ලොරි රථයක් එකිනෙකට ගැටීමෙන් මෙම අනතුර සිදුව ඇති බවත්,ජීවිතක්ෂයට පත්වූ තිදෙනාම වෑන් රථයේ ගමන් ගත් පිරිමි පුද්ගලයින් බවත් පොලිස් මාධ්‍ය ප්‍රකාශක,පොලිස් අධිකාරී අජිත් රෝහණ මහතා සඳහන් කරයි.

ඊයේ රාත්‍රීයේ තබ්බෝව ප්‍රදේශයේ පැවැති සංගීත සංදර්ශනයකට සහභාගීවී එමින් සිටි සංගීත කණ්ඩායමකට අයත් පිරිසක් මෙසේ අනතුරට ලක්වී ඇති බව කියැවෙයි.

කෙසේ වෙතත් තුවාල ලැබූවන් හලාවත මහ රෝහලට ඇතුළත් කර ඇති අතර හලාවත පොලීසිය වැඩිදුර පරීක්ෂණ පවත්වයි.