විත්තිකරුවන්ට එරෙහිව නීතිපතිවරයා විසින් ඉදිරිපත් කළ චෝදනා සාධාරණ සැකයකින් තොරව ඔප්පු වී ඇති බව තීන්දුව දෙමින් විනිසුරුවරුන් සඳහන් කළේය. ඒ අනුව නඩුවේ පළමුවන විත්තිකරු වන පොලිස් කොස්තාපල් ජී. ඊ. කුමාරසිරි, දෙවන විත්තිකරු වන අඟුලාන පොලිසියේ හිටපු ස්ථානාධිපති බී.නිව්ටන්, තුන්වන විත්තිකරුවන් වන පොලිස් පරීක්ෂක නිහාල් ජයරත්න සහ ග්‍රාමරාක්ෂක නිලධාරී ජනප්‍රිය සේනාරත්නට මේ අනුව මහාධිකරණය මරණ දඬුවම නියම කර ඇත.
2009 වසරේ අගෝස්තු මස 12 වැනිදා දිනේෂ් තරංග ප්‍රනාන්දු සහ ධනුෂ්ක අපොන්සු යන තරුණයින් දෙදෙනා පැහැරගෙන ගොස් මරාදමන ලදැයි චෝදනා කරමින් නීතිපතිවරයා විසින් මෙම නඩුව පවරා තිබිණි. මෙම නඩුවේදී නීතිපතිවරයා විසින් එල්ල කර තිබූ සියලු චෝදනා සාධාරණ සැකයකින් තොරව ඔප්පු වී තිබෙන බව අධිකරණය සඳහන් කර ඇත.