Published On:
Posted by gossip lanka live
බළන්ගොඩ නිවසකට පෙට්රල් දමා ගිනි තැබීමෙන් මවත් දියණියත් මරුට
බළන්ගොඩ මොරහැල ගම් ප්රදේශයේ නිවසකට ඉකුත් 16 දා අලුයම් කාලයේ දී පෙට්රල් ගසා ගිනි තැබීමෙන් තුවාල ලබා රත්නපුර මහ රෝහලේ ප්රතිකාර ලබමින් සිටි තිදෙනාගෙන් දෙදෙනකු ඊයේ (17 දා) මියගොස් ඇත. මෙසේ මියගොස් ඇත්තේ එල්. එල්. විමලාවතී (42) සහ ඇයගේ දියණිය වූ මධුකා චතුරංගනී නමැති 11 හැවිරිදි පාසල් සිසුවියකි.මෙම සිද්ධිය වූ අවස්ථාවේ මවත්, පියාත්, දියණියත් එකම ඇඳක නිදා සිටියදී මෙම ගිනි තැබීම සිදු කර ඇත. මොවුන්ගේ විලාප හඬ ඇසී වෙනත් කාමරයක නිදා සිටි පවුලේ තිදෙනකු පැමිණ ගින්න නිවා දැමීමට උත්සාහ කර ඇත. එම තිදෙනාද තුවාල ලබා දැනට බළන්ගොඩ මූලික රෝහලේ ප්රතිකාර ලබති. ඩි. එම්. ධනපාල නමැති පියාද පිළිස්සුම් තුවාල හේතුවෙන් රත්නපුර මහ රෝහලේ ප්රතිකාර ලබන අතර ඔහුගේ තත්ත්වයද බරපතළ බව වෛද්යවරු පවසති.
